العودة   انفاس حواء > ₪۩( مملكـة حــواء )۩₪ > مطبخ آنفاس حـوآء

الملاحظات

!~ آخـر 10 مواضيع ~!
إضغطي على شاركِ اصدقائك او شاركِ اصدقائك لمشاركة اصدقائك!
1 معجبون
إضافة رد
 
أدوات الموضوع طريقة عرض الموضوع
  #1  
قديم 09-10-2019, 06:38 PM
إسلامنا هوالنور إسلامنا هوالنور غير متواجد حالياً
مشرفة قسم الأسرة والطبخ
 

معدل تقييم المستوى: 7
إسلامنا هوالنور is on a distinguished road








افتراضي أهم البدائل المطبخية لست البيت

  السلام عليكم ورحمة الله وبركاته

اهم البدائل المطبخية لست البيت
،💦💦💦💦💦💦💦💦💦💦

احيانا كثير بنحب ندخل المطبخ ونعمل وصفة معينة ونتفاجأ انه فيه مكون مش موجود او خلص من المطبخ فحبيت انقل لكم بعض البدائل


*❤1 : بديل اللبن للكيك
عصير برتقال
عصير يوسفى
عصير ليمون
عصير مانجة
اى عصير عندك
فانتا او مريندا
لبن بودرة
لبن مكثف
لبن رايب
زبادى
شوية مية بس تكون دافية

💤* بديل اللبن للباشميل
شوربة
أو مية سلق المكرونة
أو مية ومرقة دجاج

💚 * 2 :بديل البكنج بودر
نص معلقة خل مع ربع معلقة كربوناتو
او عصير ليمونة مع ربع معلقة كربوناتو
او ربع معلقة كربوناتو مع نص علبة زبادى
او تحطى شوية سفن آب

💚 * 3 : بديل الفانليا للكيك
بشر برتقال او عصير برتقال
او بشر ليمون او عصير ليمونة
او نقطتين خل
او ربع معلقة قرفة
او ربع معلقة قهوة كنتى عاملاها
او تعملى بنفسك فانليا من قشر البرتقال
* تجيبى قشر البرتقال وتنظفية من الطبقة البيضا الى فية وتاخدى الطبقة البرتقالى بس من غير الطبقة البيضة
* تحطية بقى فى كيس وتحطى بقى علية سكر خشن وتقفلى الكيس كويس جداااا عشان قشر البرتقال يشرب السكر والسكر يشرب عصارة قشر البرتقال وتسيبية بقى كدة لتانى يوم
* تانى يوم تفضية من الكيس فى طبق وتسيبية ينشف خالص
* لما تشوفية نشف تطحنية فى الكبة
* تحطية بقى فى البرطمان وتستخدمى منة للكيك والحلويات وهاتلاقى معلقة منة عملت ريحة حلوة قووووى للكيك

❤* 4 : بديل المايونيز زبادى
عند طهي البانيه نضع ملعقه بيكنج بودر لللدقيق ومثلها بودره لبن يجعلها هشه

💛* 5 : بديل محسن الكيك الخل
💛* 6 : بديل الزبادى كوباية لبن عليها ملعقه خل
💜* 7 : بديل صلصه البيتزا الكاتشب
💝* 8 : بديل البنجر فى اللفت عشان اللون الاحمر ورق الكركدية
💞* 8 : بديل قلى البانيه والبدنجان والبطاطس والسمبوسك إنك تدهنى صينيه تيفال زيت و تحطيه فيها وترشى علية زيت وتدخلية الفرن
💟* 9 : بديل الجبنه الموتزاريلا للبيتزا إنك تجيبى أى نوع جبنه عندك وتضربية فى الخلاط مع بيضه وملح وفلفل و تحطية على وش البيزا و تدخلية الفرن
وبديل الجبن بارميزان هو الجبن الرومى وشيدر
💙* 10 : بديل الكريمه اللبانى فى الحلويات كريم شانتيه بودر او لبن + زبده
💘* 11 : بديل الكاكاو فى عمل البسكويت او البيتيفور استخدمى قهوه خام عليها شوية مية
💕* 12 : بديل البقسماط اي عيش فينو تطحنية كويس او كورن فليكس
❤* 13 : بديل الجبن الموتزريلا بشر جبن رومى او
💙* 14 : بديل الجبنة فيلادلفيا هو جبنة كيري وتضربيها فى الخلاط مع كريم شانتية

💗 * 15 : بديل الدقيق لغسيل الفراخ للتخلص من زفارة الفراخ * تغسليها و بتشيلي منها اي زلال اللي بيبقى عند الورك وبين الجلد وتشيلي الفشة اللي عند الورك من جوة وترميها وتقطعى اطراف الجناح الحتة الى فيها الظوافر وتغسليها كويس تحت الحنفيه من برة ومن جوة ومن تحت الجلد
* تفركيها بملح وليمون و طمطماية وتدعكيها بيها ودقيق وياريت لو يكون دقيق ذرة يبقى افضل و شيلي اي دهون و المادة اللزجة اللي تحت الجلد
* سيبيها ربع ساعة فى مية ودقيق وشوية سكر وملح وبعدين اغسليها كويس
* إضربى طماطمية وبصلة وليمونة وملح وفلفل اسود وجنزبيل وإمسحى بيهم الفرخة وحطى بين الجلد والباقى حطيه عليه وسببها فى الثلاجة ساعة
* تحطيها فى حلة على معلقة سمنة على النار وتعمليلها صدمة مع حبهان ولورا وتكونى بتغلى مية للسلق وتحطيها عليها بسرعة بعد ماخدت الصدمة
* تحطى فى المية المغلية عود قرفة عيدان وحبهان وورق لورا وحبيتين قرنفل صحيح وفلفل إسود وبصلاية ولو عندك مستكة حطى حبيتين ومش هاتلاقى فيها اى زفارة
و تشمى احلى ريحة وأحلى شوربة

* الملح والسكر والدقيق والليمون مهمين جداااا للتخلص من زفارة الفراخ

❤* 16 : بديل البيض عشان تخلى الكيكة متماسكة
ربع كوباية زبادى = بيضة
ربع كوباية عصير تفاح = بيضة
نص موزة مهروسة = بيضة
حتة بطاطس مهروسة = بيضة
معلقة كبيرة خل ÷ معلقة صغيرة كربوناتو = بيضة
معلقة كبيرة زيت + معلقة كبيرة مية + معلقتين كربوناتو = بيضة

💚* 17 : بديل اللبن المكثف
- نص كوباية مية سخنة
- كوباية لبن بودرة
- كوباية سكر بودرة
- معلقة كبيرة زبدة
إخلطى الجميع مع بعض وحطيهم فى قزازة قزاز وحطيهم فى الثلاجة

💚 * 18 : بديل البقسماط للكفتة
- برغل مغسول وليس منقوع ولازم يتغسل ويصفي في مصفاه ذي بتاعه الشاي وتتخلص من مياه بتعصريه بالملعق وهو في مصفاه
وتحطيه ويتم عجنهم كويس علشان اللحمه يتكون لها عرق بس وتكلمي عادي
- بيضتين
- رغيب عيش بلدى او فينو مبلول وتعصرية قوووى
- شوية مكرونه حصى أو شعرية مش مكن تفك ابدا
- حمصى فينو واطحنية يبقى بقسماط
- شوفان
- توابل كفته الاكياس مع معلقه بيكنج بودر ومعلقه نشا

💛* 19 : بديل الصويا صوص
العسل الاسود
أو
معلقتين شوربة لحم بقرى + معلقتين صغيرين خل أحمر + معلقة صغيرة عسل اسود + 1/8 معلقة صغيرة جنزبيل يعنى أقل من ربع معلقة + رشة فلفل اسود صغيرة + 3/4 كوباية مية + ممكن تزودى مرقة دجاج
تحطى كل دول مع بعض فى حلة على النار 5 دقايق لغاية الغليان وتسيبيها لغاية ماتقل الكمية لغاية ماتبقى نص كوباية وتحطية فى قزازة فى الثلاجة

💜* 20 : بديل البانكو بريد
بتجيبى التوست وتشيلى الحروف بتاعتة وتضربية فى الكبة هايبقى زى البانكو بريد بالظبط ولو عاوزة تشلية فى الفريزر تحطية فى الفرن دقيقة كدة عشان ينشف شوية بس اوعى ينشفك منك وتخرجية من الفرن يبرد و تحطية فى اكياس وتشلية بسرعة قبل ماينشف منك وإعملى أحلى جمبرى مقلى كريسبى وجنبة بقى صوص الفلفل الاحمر المشوى وإدعيلى

❤* 21 : صوص الشوكولاتة بالكاكاو الخام
كوباية سكر بودرة
أربع معالق صغيرة كاكاو
أربع معالق صغيرة دقيق
فانليا
كوبايتين لبن
حتة زبدة صغيرة
حطى السكر والكاكاو والدقيق في كسرونة او حلة على حرارة متوسطة وقلبيهم كويس وبعدين حطى الفانليا وبعدين اللبن وبعدين الزبدة وقلبيهم كويس لمدة دقيقة واول مايتقل نزلية من على النار وسيبية يبرد خالص

💘* 22 : صوص الشكولاتة للجاتو شاتو
نص كوباية كاكاو
نص كوباية زبادي او لبن سخن
كوباية سكر بودرة
نص كوباية زيت

💛* 23 : الشيكولاته الخام البيتى
معلقة ونص كبيره مليانه كاكاو خام
معلقة كبيره مليانه سكر بودره
رشة فانيليا
نص كيس نسكافيه بطعم البندق
اربع معالق كبار لبن بودره
حوالي 10 معالق سمنه سايحه ودافيه
نطحن اللبن البودره مع النسكافيه ناعم جداا ولازم يكون السكر مطحون وناعم جدا
نخلط الكاكاو مع اللبن البودره والنسكافيه والسكر البودره ونرفعهم على النار وننزل بالسمنه الدافيه بالتدريج ونقلب كويس ونصبها في قوالب سليكون أو مكعبات التلج وندخلها الفريزر تجمد
بتاخد حوالي نص ساعه أو ساعة و تزينى بيها تورتة او تاكليها

💙* 24 : بديل عسل جلكوز
شربات الكنافة الثقيل

💟* 25 : بديل السكر البنى للكيك والكوكيز
1 - العسل
كل كوباية سكر عليها معلقة عسل اسود وبكدة يبقى عندك كوباية سكر بنى
2 - التمر
إطحني كوباية تمر مع نص كوباية مية سخنة وبكدة يبقى عندك كوباية سكر بنى

💗* 26 : بديل الردة لشوى السمك
بقسماط مطحون
او تدهنية زيت وتحطية فى صاجة فى الفرن

💛* 27 : بديل بودرة الديمى جلاس
معلقتين دقيق ومعلقة بهارات لحمة ومكعب مرقة لحم
أو صوص اللحمة
أو صوص الترياكي

💚* 28 : بديل الليمون
ممكن تستغنى عنة وتعملى الشربات من غير ليمون عادى وزى الفل
او تحطى حتتين قشر برتقال أو معلقة صغيرة عصير برتقال بدل منه أو معلقة كبيرة عسل نحل

❤*29 : بديل جوزة الطيب كبابة صينى وكترى شوية علشان نكهتة ضعيفة عن جوزة الطيب

💓*30 : بديل ال red wine النبيذ الأحمر فى الأكلات الأجنبية
عصير العنب من غير سكر بيور
عصير برتقال بيور
عصير عنب و معاه شوية خل بسيطة
عسل نحل متخفف بمية
لو هاتستخدمية للتتبيله بتستبدليه بدبس رومان
خل التفاح
خل العنب الاحمر
خل بلسميك
سفن آب قبل السوا بشويه صغيرة
خل العنب الأحمر البديل للريد واين أو الروزيه
خل التفاح الأخضر البديل الوايت واين
لو مافيش أى حاجة من البدائل دى عندك حطى شوية ميه
،💙❤💜💛💚

منقول
رد مع اقتباس
قديم 09-23-2019, 08:33 AM   رقم المشاركة : 2
زهرة أمل
عضوة جديدة






 

الحالة
زهرة أمل غير متواجد حالياً

 
زهرة أمل is on a distinguished road


 

افتراضي

حبيت تنوع البدائل موضوع مفيد الله يعطيك العافية

رد مع اقتباس
إضافة رد

مواقع النشر (المفضلة)

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:45 AM.


جميع الحقوق محفوظة, المشاركات في المنتدى تعبر عن راي الكاتبة وليس الموقع بشكل عام